Saga Norza er orðin ansi löng þrátt fyrir að vera nýkomin í „loftið“.

Við stöllurnar Ruth Gylfadóttir og Anna Margrét Jónsdóttir erum búnar að þekkjast nokkuð lengi, en leiðir okkar lágu fyrst saman um borð flugvél hjá Icelandair fyrir nokkrum áratugum síðan.

Sameiginlegur okkar áhugi á heimili, hönnun og varð svo til þess að við fórum að láta gamlan draum okkar um að vera innan um og versla með fallegar hönnunarvörur, rætast. Helst af öllu vörur sem hafa verið framleiddar af fólki eða fyrirtækjum sem að hafa samfélagsábyrgð og valdeflingu kvenna að leiðarljósi sínu. Okkar von er að gæði og samfélagsleg ábyrgð fari aldrei úr tísku. Við erum búnar að læra mikið af þessu og stundum finnst okkur við hafa gert flest afturábak....!

Það tekur bara sinn tíma að vera tvær að sinna störfum forstjóra, framkvæmdastjóra, innkaupastjóra, lagerstarfsmanna, hreinsitækna, sölustjóra, auk þess að hanna og  koma einni vefsíðu í loftið :)

Enza rak um árabil fræðslumiðstöð og fjölsmiðju fyrir konur í Mbekweni/Newrest fátækrahverfinu í útjaðri Höfðaborgar. Þar fór fram atvinnuskapandi uppbyggingarstarf fyrir konur og stúlkur sem vegna fátæktar og annarra samfélagsmeina höfðu ekki fengið tækifæri til að þroska sig og mennta.

Upphaflegur kjarnahópur samtakanna voru konur sem hafa neyðst til að gefa frá sér barn til ættleiðingar vegna sárrar fátæktar.

Árið 2019 sameinaðist Enza helstu samstarfssamtökum sínum, TCB sem er stytting fyrir The Clothing Bank

Nú árið 2021 þjónar Enza undir merkjum TCB konum í 5 stærstu borgum Suður-Afríku. Þetta eru konur sem búa við háa glæpatíðni, gríðarlega fátækt, atvinnuleysi og landlæga sjúkdóma á borð við HIV og berkla, en vilja fræðast og auka tækifæri sín til innihaldsríkara lífs og bættra lífskilyrða.

Hjá samtökunum fer fram starfsmenntun sem miðar að því að veita konum brautargengi í rekstri smáfyrirtækja. Starfsmenntun þessi felur meðal annars í sér fjármálalæsiskennslu, tölvukennslu og lífsleikni, kennslu á saumavélar svo eitthvað sé nefnt.

Samfélagsarmur Norza living á Íslandi

Norza living www.norza.is stuðlar að atvinnuskapandi verkefnum sem leiða til sjálfbærni Enza kvenna. Fyrir tilstuðlan Norza, eru margir skjólstæðingar Enza orðnar fyrirmynd annarra kvenna í samfélagi sínu sem sáttir og nýtir þjóðfélagsþegnar, með því að sjá sér og sínum farborða af eigin verðleikum.

Tilgangur samfélagsarms vefverslunarinnar er að veita þeim konum sem stunda, eða lokið hafa námi hjá Enza brautargengi í rekstri eigin smáfyrirtækja og afla verkefna fyrir þau.

Eitt af hlutverkum Norza living að fá hönnuði til samstarfs við Enza konur og leita leiða til kynningar og markaðsetningar á þeim vörum sem konurnar framleiða.

Raunárangur:

Hjálparsamtökin Enza hafa náð þeim undraverða árangri að minnka atvinnuleysi um allt að 46% á meðal þeirra kvenna sem sótt hafa sér aðstoð hjá samtökunum. Hluti kvennanna stofnaði og rekur nú sín eigin smáfyrirtæki með góðum árangri. 

 http://theclothingbank.org.za